DURRËS, 20 tetor 2014 – Drejtoria e policisë së shtetit e qarkut të Durrësit njofton se të dielën, më 19 tetor 2014, rreth orës 23:10, gjatë imbarkimit të tragetit Bari të linjës Durrës-Bari, policia kufitare dhe migracionit arrestoi A. SH.-në nga Shijaku.
Ai do të shkonte në Itali me një Peugeot me targa italiane.
Autovetura u përzgjodh për kontroll në vijën e dytë, tek ura ngritëse.
Në pjesën e shasisë, te traversat e mbështetjes së dyerve, në të dy krahët e shoferit dhe pasagjerit, u gjendën rreth 15 pako të mbështjella me plastmasë dhe natriban me rreth 20 kg kanabis.
Veprimet hetimore po kryhen nga seksioni i luftës kundër narkotikëve në drejtorinë e policisë qarkut Durrës në bashkëpunim me prokurorinë e krimeve të rënda Tiranë.
/th. m. agjencia e lajmeve “Dyrrah”/
