Elbasan, 7 korrik 2014 – E dyshuara se ka gisht në zhdukjen e Renit të Elbasanit mohon në polici akuzat e familjarëve të këngëtarit 21-vjeçar. R.Daullxhiu, e njohur dhe si Dona, është shoqëruar në policinë e Elbasanit prej dy ditësh, bashkë me të dashurin e saj.
Familjarët e këngëtarit të muzikës tallava kanë akuzuar të renë se e ka rrëmbyer Renato Hamzën, në shenjë hakmarrjeje për ndërprerjen e lidhjes së tyre dhe dhunimit nga e ëma e tij.
Por, vetë Dona e mohon që të ketë gisht në zhdukjen e ish-të dashurit prej gati 8 ditësh. 28-vjeçarja ka pohuar se nuk ka lidhje me rrëmbimin e Renit, madje ajo ka theksuar në polici se e ka dashur shumë atë.
Në njërin krah të saj, Dona kishte një tatuazh me emrin e Renato Hamzës, por pavarësisht lidhjes së kaluar, ajo thotë se nuk do t’i bënte kurrë keq.
Vajza, e cila i përket komunitetit rom, ashtu si dhe këngëtari Hamza, ndodhet në ambientet e policisë së Elbasanit, deri në zbardhjen e dëshmisë së plotë të saj. Ajo është marrë në Tiranë ku jeton dhe është përcjellë në Elbasan bashkë me të dashurin e saj aktual.
21 vjeçari, kengetar i muzikes tallava, u zhduk te dielen e kaluar dhe qe nga ajo kohe familjaret e tij nuk kane mundur te komunikojne me te. ai sapo kishte perfunduar nje kenge me kengetarin e njohur kosovar Shpat Kasapi, nderkohe qe sipas familjaret diten e zhdukjes kishte dale nga shtepia per te folur me disa persona qe do t'i ofronin nje pune.
Mesohet se i riu pas nderprerjes se lidhjes me ish-te dashuren ishte martuar dhe pret nje femije me gruan e tij.
/agjencia e lajmeve "Dyrrah"/
