LONDER, 24 korrik 2013  – Më në fund bebushi mbretëror ka një emër, ai do të quhet George Alexander Louis dhe do të njihet si princi George i Kembrixh. 



Lajmi u publikua nga burime zyrtare të Pallatit Mbretëror. Sot princi u njoh me stërgjyshen e tij, mbretëreshën Elizabeth dhe xhaxhain Harry. Mediat vendase nuk përjashtojnë mundësinë që mbretëresha të ketë ndikuar në zgjedhjen e emrit. 



Princi, i lindur të hënën në orën 16:24 minuta, është i treti në radhë për marrjen e Fronit të Mbretërisë së trashëgueshme të Anglisë. 



E ardhmja e Alexander Louis është më e përcaktuar se ajo e ndonjë të sapolinduri tjetër. Ai do të trashëgojë një prej froneve më të vjetër mbretërorë të botës.