20 Korrik 2013 – Një 40-vjeçar ka humbur jetën mbrëmjen e djeshme  në Tiranë, pasi u qëllua me thikë, pas një konflikti me një person të cilit i kishte marrë borxh një shumë parash.



Ngjarja ka ndodhur në Paskuqan, ku shtetasi Artur Gjiza është qëlluar disa herë me thikë nga Besim Ndreu, pas një konflikti për borxhin e pashlyer, të cilin 40-vjeçari ja kishte marrë autorit për të dërguar të birin në Greqi, për të punuar gjatë muajve të verës. 



Kalimtarë të rastit kanë bërë të mundur transportimin e 40-vjecarit në spitalin ushtarak, por ai nuk mundi të mbijetonte, pasi thika i kishte prekur organet jetësore. 



Efektivët e komisariatit numër 5 kanë mbërritur menjëherë në vendin e ngjarjes dhe kanë bërë të mundur arrestimin e autorit dhe sekuestrimin e armës së krimit, një thikë rreth 30 cm të gjatë.



Ndërkohë policia po punon për të zbardhur ngjarjen.