–         Durrsakët në “xhiron” globale: më 25 qershor kanë Ditën e marinarit, kurse më 27 qershor atë të amatorëve të peshkimit

–         OKB bashkon në një ditë, më 1 qershor, dy festa: Ditën e fëmijëve, por edhe atë të prindërve

–         Data “ekzotike”: të qumështit; qepjes dhe thurjes në vendet publike; vejushave; mbrojtjes së elefantëve në kopshtet zoologjike etj.

–         Më 23 qershori 2013, ndërsa në Shqipëri zhvillohen zgjedhjet e përgjithshme, në botë, me rezolutë të OKB-së, qeveritë janë të detyruara të nderojnë nëpunësit civilë

DURRËS, 31 maj 2013 –Për durrsakët qershori rezervon dy festa, që kanë të bëjnë me “emblemat” qytetit të tyre bregdetar: më 25 qershor është Dita ndërkombëtare e marinarit, kurse më 27 qershor Dita ndërkombëtare e amatorëve të peshkimit.

1 qershorin shqiptarët kanë dekada që e festojnë si Ditën ndërkombëtare të fëmijëve, por vitin e kaluar Asambleja e Përgjithshme e Kombeve të Bashkuara e konsideron 1 qershorin edhe si Ditën botërore të prindërve.

Bashkimi në një ditë i dy festave është shumë domethënës.

Por muaji qershor “tregon” ndaj fëmijëve një kujdes të veçantë, pasi më 4 qershor është Dita ndërkombëtare e fëmijëve të pafajshëm viktima të agresionit; më 12 qershor është Dita botërore e luftës kundër futjes së fëmijëve në punë; më 16 qershor Dita ndërkombëtare e mbrojtjes së fëmijëve të Afrikës.

Është interesant fakti që OKB-ja ka treguar ka miratuar rezoluta të tjera me karakter social: më 14 qershor është Dita botërore e dhuruesve të gjakut; më 15 qershor Dita botërore për ndërgjegjësimin ndaj keqtrajtimit të të moshuarve; më 20 qershor Dita botërore e refugjatëve; më 23 qershor Dita ndërkombëtare e vejushave; më 26 qershor Dita ndërkombëtare e luftës kundër narkomanisë dhe narkotrafikut dhe Dita ndërkombëtare e OKB-së në mbështetje të viktimave të torturave.

Ka një përkim interesant me 23 qershorin 2013, ndërsa në Shqipëri zhvillohen zgjedhjet e përgjithshme, në botë, po me rezolutë të OKB-së, festohet Dita e OKB-së për funksionet publike ose Dita botërore e nëpunësit civil; pa harruar që këtë ditë zhvillohen vrapime në kuadrin e Ditës olimpike.

JA LISTA

1 qershor

“Dita ndërkombëtare e fëmijëve” (International Children’s Day).

“Dita botërore e prindërve” (Global Day of Parents).

“Dita ndërkombëtare e qumështit” (World Milk Day).

2 qershor

“Dita ndërkombëtare e pastrimit të ujëmbledhësve” (International Day of Water Cleaning).

4 qershor

“Dita ndërkombëtare e fëmijëve të pafajshëm viktima të agresionit” (International Day of Innocent Children Victims of Aggression).

5 qershor

“Dita botërore e mbrojtjes së mjedisit” (World Environment Day)

8 qershor

“Dita ndërkombëtare e qepjes dhe thurjes në vendet publike” (World Wide Knit in Public Day).

“Dita botërore e oqeaneve” (World Oceans Day).

9 qershor

“Dita ndërkombëtare e miqësisë” (International Friendship Day).

“Dita ndërkombëtare e akreditimit” (International Accreditation Day) .

12 qershor

“Dita botërore e luftës kundër futjes së fëmijëve në punë” (World Day Against Child Labour).

14 qershor

“Dita botërore e dhuruesve të gjakut” (World Blood Donor Day).

15 qershor

“Dita botërore për ndërgjegjësimin ndaj keqtrajtimit të të moshuarve” (World Elder Abuse Awareness Day).

16 qershor

“Dita ndërkombëtare e mbrojtjes së fëmijëve të Afrikës” (International Day of the African Child).

17 qershor

“Dita botërore e luftës kundër shkretëtirëzimit dhe thatësirës” (World Day to Combat Desertification and Drought).

20 qershor

“Dita botërore e refugjatëve” (World Refugee Day).

“Dita ndërkombëtare e mbrojtjes së elefantëve në kopshtet zoologjike” (International Day of Action for Elephants in Zoos).

21 qershor

 “Dita botërore e muzikës” (World Music Day / Fête de la Musique).

 “Dita ndërkombëtare e skejtbordingut” (Go Skateboarding Day).  

23 qershor

“Dita ndërkombëtare olimpike e vrapimit” (International Olympic Day Run)

“Dita e OKB-së për funksionet publike / nëpunësit civil” (United Nations Public Service Day).

“Dita ndërkombëtare e vejushave” (International Widow’s Day). 

25 qershor

“Dita ndërkombëtare e marinarit” (Interantional Day of the Seafarer).

26 qershor

“Dita ndërkombëtare e luftës kundër narkomanisë dhe narkotrafikut” (International Day against Drug Abuse and Illicit Trafficking).

“Dita ndërkombëtare e OKB-së në mbështetje të viktimave të torturave” (United Nations International Day in Support of Victims of Torture).

27 qershor

“Dita ndërkombëtare e amatorëve të peshkimit” (International Fishing Day).

/th. m. Agjencia e lajmeve “Dyrrah”/