SHBA, 23 mars 2013– Një kamera sigurie në Seaford të Delauerit ka regjistruar momentet kur një meteor ka kaluar gjatë natës në qiellin amerikan.
Pasi e studioi videon, NASA tha se drita që u pa në qiellin e brigjeve lindore të Shteteve të Bashkuara duket se ishte një meteor i vetëm.
Drita në qiell u pa që nga jugu, në Florida e deri në veri, në rajonin e Nju Ingland-it.
Ata që e panë ndriçmin e meteorit në qiell thanë se ai i ngjante një avioni që përgatitej të ulej në aeroport, të tjerë thanë se ai dukej si një lëmsh i zjarrtë në formë sferike.
