Gerrard Pique ka reaguar menjëherë pas fjalëve të Alvaro Arbeloas. Me të përfunduar ndeshje mes Real Sociedadit e Barcelonës, ku katalunasit pësuan humbje me rezultat minimal 1:0, Alvaro Arbeloa shkroi në Tëitter se ‘është shumë e vështirë të fitosh ndaj 11 lojtarëve’, duke ju referuar ndeshjes së mes javës ku Fernando Torres u ndëshkua me karton të kuq më pas katalunasit përmbysën rezultatin ndaj Atletico Madridit. Pas ndeshjes me Sociedadin, Pique është pyetur nga gazetarët për postimin që bëri Arbeloa në rrjetin social Twitter.
Pique i nervozuar u përgjigj shkurtimisht: “Një lojtar që starton një herë në 32 ndeshje nuk meriton respekt”.Arbeloa ka bërë vetëm shtatë paraqitje këtë edicion për Realin në të gjitha garat, shumica prej tyre nga banka rezervë.
