Një person ka mbetur i plagosur me armë zjarri në Shkodër. Ngjarja ka ndodhur pranë Universitetit "Luigj Gurakuqi". I plagosuri Valter Çoba, 35 vjec, është dërguar në Spitalin Rajonal të Shkodrës dhe ndodhet në rrezik për jetën. Sipas mjekëve, ai ka marrë një plumb në kokë. Ndërkohë, burimet policore bëjnë të ditur se 35 vjecari është gjetur me një armë pistoletë, që e mbante në dorë, ndaj dyshohet se ka pasur shkëmbim zjarri mes të plagosurit dhe një personi tjetër që është larguar nga vendngjarja.