Grabiten 1.8 milione lekë të reja në njësinë administrative Zerqan, në Bulqizë. Dy persona të armatosur dhe të maskuar kanë terrorizuar zyrën postare ku po shpërndaheshin paratë e pensioneve. Grabitësit kanë qëlluar me armë në ajër. Më pas kanë kërcënuar punonjësen e postës për t’i dhënë paratë. Sapo kanë dalë nga zyra postare, kanë qëlluar sërish me breshëri në ajër duke terrorizuar pensionistët që prisnin në radhë për të marrë paratë. Dëshmitarët thonë se grabitësit u larguan drejt malit me këmbë. Policia e Dibrës është vënë në kërkim të tyre, madje edhe me helikopter.