Deputeti socialist Ben Blushi ka deklaruar se Shqipëria sa vjen e zvogëlohet, pasi shqiptarët duan të largohen jashtë prej pasojave të keqqeverisjes dhe varfërisë. "Shqipëria po zvogëlohet, Shqipëria po zbraset. Kur takoj njerëz kaq pesimistë nga veriu në jug, kuptoj se Shqipëria është kthyer në një kafaz, në një burg për të varfërit që i mban këtu brenda dhe ata nuk dalin dot," – tha Blushi. Ai shtoi se "sfida jonë është si t'i bindim këta njerëz të larguar në emigracion që të rikthehen, të investohen."