TIRANE, 18 mars 2013 – Komisioneri për Zgjerimin dhe Politikën Evropiane të Fqinjësisë, Stefan Fyle, do të vizitojë Tiranën ditën e hënë, më 25 mars, për të marrë pjesë në konferencen "Just BE", ku do të mbajë fjalën kryesore rreth aspekteve të ndryshme të integrimit evropian që kanë rëndësi për të gjithë qytetarët, shoqërinë civile dhe biznesin. 

Zyra e shtypit e Delegacionit të BE në Tiranë bëri të ditur se Komisioneri Fyle do të prezantojë gjithashtu një portal web të Delegacionit të Bashkimit Evropian, që do të jetë një platformë për të gjithë ata që ndajnë interesin për integrimin e Shqipërisë në Bashkimin Evropian. 

/m.b. Agjencia e Lajmeve “Dyrrah”/