26nëntor 2015 – Fsheh drogën në kutitë me pizhame, arrestohet Sami Zoto. Policia italiane ka arrestuar një 26-vjeçar shqiptar, me akuzën për trafik droge, pasi ai zbriti në Bari me tragetin e linjës që nisej nga porti i Durrësit.
Mediat italianë thanë se, Sami Zoto, nga Durrësi, ishte drejtues i një kamioni të ngarkuar me pizhame. Pas nervozizmi të shfaqur te doganierët, kamioni iu nënshtrua një kontrolli të imtësishëm nga oficerët e Guardia di Financa, të cilët zbuluan mes kutive me pizhame 26 kg marijuanë dhe 1 kg heroinë.
Policia po heton për të zbuluar lidhjet e tij me persona të tjerë që prisnin drogën në Itali.
/portali DurresLajm/
