26gusht 2015 – Dy vjet pas rrëzimit të avionit të drogës në Divjakë u riaktivizua ky lloj trafiku nga Shqipëria në Itali. Policia italiane bllokoi në Brindizi një avion të vogël dhe 350 kg drogë që ishin siguruar në fshatrat e Vlorës. Për rrjedhojë u arretsuan 14 persona në të dy shtetet, mes tyre dhe shefi i policisë në Vlorë.
Sipas hetimeve, rezulton se droga shpërndahej me avion të vegjël nga Vlora në Itali. Operacioni ka qenë i përbashkët mes shtetit shqiptar dhe atij italian dhe në kuadër të tij janë arrestuar 6 persona në Shqipëri, përkatësisht në Vlorë dhe 8 në Itali. Rrjeti është zbuluar me anë të metodave speciale të hetimit për gati 1 muaj.
Në këtë kuadër, mëngjesin e datës 24 gusht 2015, avioni i vogël i drejtuar nga shtetasi Vilson Lamaj është nisur nga Italia me destinacion vendin tonë, duke u ulur në orën 07:02 minuta, në një zonë pa shumë lëvizje në afërsi të fshatit Xhelilaj, pranë Sevasterit në Vlorë, ku edhe ka ngarkuar një sasi prej 120 kg marijuanë.
Në momentin e uljes së avionit në Brindisi, policia italiane ka arrestuar shtetasin shqiptar Vilson Lamaj dhe bllokoi lëndën narkotike.
Personat e ndaluar në Shqipëri janë:
– Vladimir Zanaj, Shef i Sektorit të Burimeve Njerëzore në policinë e Vlorës
– Neko Bruhamaj, 45 vjeç, lindur e banues Ramicë, Vlorë
– Fatos Bruhamaj, 30 vjeç, lindur në Ramicë e banues në Vlorë
– Fadil Shahaj, 53 vjeç, lindur në Vllahinë e banues në Vlorë
– Igli Shahaj, 22 vjeç, lindur në Vllahinë e banues në Vlore
– Sokol Lamaj (Burhamaj), 34 vjeç, lindur e banues në Babice e Madhe Vlorë,
Në Itali janë arrestuar 8 persona, rezidentë në shtetin fqinj:
– Elizer Ahmetaj, 27 vjeç
– Xhesian Ahmetaj, 21 vjeç
– Arshi Ahmetaj, 29 vjeç
– Artjon Lamaj, 29 vjeç
– Kleo Lamaj, 30 vjeç
– Bukurosh Këshilli, 25 vjeç
– Virjon Imeraj, 32 vjeç
si edhe Vilson Lamaj, pilot i avionit.
/agjencia e lajmeve “Dyrrah”/
