14gusht 2015 – Pasi ka falimentuar, duke mos mundur t’i shpëtojë krizës financiare, Parma ka rënë në Serinë D, ndaj dhe tashmë i duhet të përballet me amatorët e Italisë. Në të njëjtën kohë, klubit i duhet të plotësojë shpenzimet e mëparshme dhe ato aktuale, ndaj dhe Parma ka nisur të shesë trofetë e fituar ndër vite. Në “dyqan” janë vënë Kupa e Italisë e vitit 1992, Kupa e Kupave 1993, Superkupa evropiane 1994, Kupa UEFA 1995, Kupa e Italisë 1999, Kupa UEFA 1999, Superkupa e Italisë 1999 dhe Kupa e Italisë 2002.