5korrik 2015 – Finalja e Kupës së Amerikës përveç spektaklit në fushën e lojës ka prodhuar edhe një episod aspak të këndshëm. Ndërkohë që po luhej ndeshja midis Kilit dhe Argjentinës, gjatë pjesës së parë së finales së Kupës së Amerikës, vëllai dhe babai i Messit përjetuan disa momente paniku. 
Pas një proteste të tyren mbi një faull të Marcelo Diazit mbi “pleshtin”, familjarët e argjentinasit u vunë nën shënjestër nga një grup mbështetësish kilian që në fillim i ofenduan duke i pështyrë, dhe më pas kërkuan edhe të sulmonin fizikisht.Ishte vendimtare ndërhyrja e ambasadorit argjentinas në Kili, Gines Gonzalez Garcia, i cili evitoi që situata të degjeneronte më shumë duke i spostuar familjarët e sulmuesit të Barcelonës. Ata u çuan të uleshin në një zonë më të veçuar të tribunës, larg nga tifozët gjaknxehtë të Kilit.