22 qershor 2015 – Futbollisti më i ri i skuadrës së teutës, Emiljano Musta, shprehet optimist për skuadrën e tij të re në drejtim të ecurisë përgjatë sezonit të ri. Mesfushori parashikon se skuadra do të ketë një ecuri shumë të mirë dhe do të luftoj fort për të arritur objektivat. Ai shpreh i lumtur që është pjesë e skuadrës durrsake dhe premton se do të jap maksimumin e tij për të mirën e Teutës. 'Ndihem shumë i lumtur që sezonin e ardhshëm do të luaj për skuadrën e Teutës. të jesh pjesë e kësaj skuadre është një nder dhe objektiv i çdo futbollisti besoj, pasi është një nga skuadrat më të mëdha në Shqipëri dhe me shumë traditë në futbollin shqiptar. Për sa i përket sezonit të ri mendoj që do të kemi një ekip mjaf solid dhe nga biseda që kam pasur me tranjerin dhe presidentin, ne do të synojmë kupat e Europës dhe pse jo kupën dhe kampionatin, përderisa të gjithë ekipet e nisin me 0 pikë. Pra i kemi të gjitha mundësit për të rivalizuar denjësisht me të gjitha skuadrat pretendente', u shpreh fillimisht Musta, i cili pavarësisht ecurisë së skuadrës së Elbasanit zhvilloi një sezon shumë të mirë personal, ndaj jo më kotë tekniku Magani dhe presidenti Hasanbelliu kërkuan me ngulm t'i vishnin fanellën e Teutës. Lojtari shprehet se nuk do ta ketë shumë të vështirë të përshtatet në radhet e 'djemve të detit". "Në aspektin personal mendoj që do përshtatem shumë shpejt në ekip, sepse nuk është eksperienca ime e parë që luaj me ekip tjetër përveç ekipit të Elbasanit, ku dhe jam rritur si futbollist. Gjthashtu, shumë prej djemve të ekipit të Teutës janë miq të mij jashtë fushës së blertë. Një Të gjithë e din se në Durrës mund të përshtatet çdo futbollist, pasi tek kjo skuadër është një atmosferë shumë e mirë dhe e qetë për të punuar. Por edhe për faktin se skuadrën e rrethon një tifozeri e qetë dhe që e dashuron futbollin. Unë mendoj se faza përgatitore do të jetë shumë e rëndësishme, sikurse edhe merkato që drejtuesit e klubit do të bëjnë. Faza përgatitore do të jet shumë e rëndesishme për ekipin, sepse do marim ngarkesat që duhet për të përballuar sezonin e ri, por dhe për në lojtarët e rinj do na shërbej për t'u adoptuar me idetë e tranjerit dhe ekipin. Përsa i përket merkatos, kam besim se stafi drejtues do bëj më të mirën për të përforcuar ekipin ku ai ka nevojë", përfundoi mesfushori.
