Grupi i vitaminave B është i pazevendësueshëm për trupin. Numërohen rreth 8 prej tyre, prej ndaj mer dhe emrin vitamina B kompleks.

Një nga rolet e saj kryesore është shndërrimi i ushqimit në energji për trupin. Por këto nuk mund të përjashtohen dhe vlerat individuale që secila prej 8 llojeve që kjo vitaminë përmbledh ka në organizëm.

Duke filluar që nga funksionimi më i mirë i trurit, tek forcimi i sistemit imunitar e shumë të tjera të renditura për ju mëposhtë.

Vitamina B1: Tiamin

Tiamina është e nevojshme për rritjen dhe zhvillimin e qelizave të shëndetshme në trup.

Ajo ndihmon zhvillimin e shëndetshëm të sistemit nervor dhe prodhimin e energjisë.

Vitamina B2: Riboflavina

Riboflavina shndërron lëndët ushqyese në lëndë të tjera kimike të cilat ndihmojnë organizmin të funksionojë normalisht.

Gjithashtu përmban shumë folate, B12, B6 dhe kolinë e cila mban nën kontroll aminoacidet që shkaktojnë më pas sëmundje të zemrës.

Vitamina B3: Niacina

Niacina ndërton dhe riparon ADN-në e trupit të njeriut.

Redukton stresin dhe vepron si një antioksidant që mban larg inflamacionin dhe sëmundjet.

Vitamina B5: Acid pantotenik

Acidi pantotenik është jashtëzakonisht i rëndësishëm për prodhimin e energjisë, hormoneve dhe kolesterolit të mirë.

Një trup i shëndetshëm ka gjithnjë nevojë për kolesterol dhe prodhim hormonesh e kjo vitaminë ndihmon tej mase në këtë çështje.

Vitamina B6: Piridoksina

Trupi juaj ka nevojë për vitaminën B6 për të krijuar neurotransmetues si serotonina dhe dopamina.

Këto hormone njihen për veprimin e tyre në trup si kimikatet e lumturisë apo ndjesive pozitive.

B6 është gjithashtu e rëndësishme për prodhimin e hemoglobinës, e cila ndihmon në shpërndarjen e oksigjenit në gjak.

Vitamina B7: Biotina

Biotina është e njohur më së shumti për të mirëmbajtur flokët, lëkurën dhe thonjtë.

Mungesa e saj mund të sjellë thonj më të brishtë që thyhen, rrallim të flokëve dhe probleme me lëkurën.

Biotina gjithashtu ndihmon në neutralizimin e karbohidrateve dhe yndyrnave në trup.

Vitamina B9: Folatet

Folatet stimulojnë prodhimin e qelizave të kuqe të gjakut, rrisin funksionin e shëndetshëm të qelizave dhe ADN-së.

Vitamina B12: Kobalamin

Vitamina B12 është e nevojshme për formimin e qelizave të kuqe të gjakut, sintezën e ADN-së dhe funksionimin e shëndetshëm të trurit.

Vitamina B për shëndetin e grave

Grupi i vitaminave B rekomandohet për të gjithë pasi siç përmendëm edhe më lart është i rëndësishëm për shëndetin.

Megjithatë gratë duhet t’i kushtojnë vëmendje të veçantë kur vjen puna tek folatet, vitaminës B6 dhe B12.

Këto janë shumë të rëndësishme nëse jeni shtatzanë apo duke ushqyer fëmijën me gji pasi ndikojnë në zhvillimin e shëndetshëm të fetusit.

Kjo vitaminë gjithashtu mund ta bëjë ciklin tuaj mujor më pak të dhimbshëm dhe më lehtë të menaxhueshëm.

Një studim i vitit 2011 zbuloi se marrja e tiaminës dhe riboflavinës natyralisht nga ushqimi mund të zvogëlojë simptomat e dhimbjes.

Vitamina B për shëndetin e burrave

Ashtu si gratë edhe burrat kanë nevojë për vitaminën B për të qenë të shëndetshëm.

Disa ekspertë thonë se vitaminat B mund të ndihmojnë në rritjen e niveleve të testosteronit dhe ndoshta të ndihmojnë në ndërtimin e muskujve.

Gjithsesi ato ndihmojnë mjaftueshëm në shëndetin e trurit, rritjen e imunitetit dhe në sistemin tretës.

Sasia e duhur e vitaminës B

Për grupe të ndryshme njerëzish nevojten sasi të ndryshme të këtyre vitaminave të cilat shpjegohen në tabelën mëposhtë./AgroWeb.org