TEUTA – APOLONIA 1-0
Golat: Peposhi 90+3′

Formacionet

TEUTA: Rizvani, Kastrati, E.Hoxha, Brahja, Kotobelli, Dita, Hodo, Hoxhallari, Nika, Peposhi, Çota; Trajner: Gentian Begeja

APOLONIA: Miço, Prifti, Nako, Atanda, Dimo, Adenkule, Kaja, Hysenshahaj, Fili, Uzuni, Ribaj; Trajner: Artan Mërgjyshi
GJYQTAR: Lorenc Jemini
DELEGAT: Astrit Maci

Teuta mbetet në Superiore, skuadra e drejtuar nga Gentian Begaja ka siguruar automatikisht qëndrimin në elitë pasi ka mposhtur 1-0 Apoloninë, rivalin direkt në këtë garë. Goli i shënuar nga Peposhi në sekondat e fundit të ndeshjes  i jep qëndrimin durrsakëve mes më të mirave në futbollin shqiptar. Ndeshja nis me një ritëm mjaft të lartë nga të dyja ekipet. Fierakët shfaqen rrezikshëm që në minutën e katërt. Uzuni merr një pasim fantastik nga mesi i fushës dhe del i vetëm përballë Rizvanit, sulmuesi tenton të shmangë portierin po ky i fundi ja heq topin nga këmbët duke larguar rrezikun. Durrsakët përgjigjen vetëm një minutë më pas me Kotobellin. Mbrojtësi  niset nga krahu i majtë dhe i afrohet zonës, prvon goditjen por vetëm rrjetë e jashtme. Ritmi nuk bie dhe ndeshja vazhdon të luhet rrezikshëm nga të dyja krahët.  Pavarësisht rasteve dhe përpjekjeve për gol nga të dyja skuadrat, 45 minutat e para  të kësaj sfide mbyllen në barazim 0-0. Pjesa e dytë flet e gjitha pëe skuadrën e Teutës. Durrsakët janë ata që kërkojnë më ngulm golin por sulmet e tyre ndalen nga portierei Miço si dhe nga shtylla pingule. Minuta t e fundit të ndeshjes janë mjaft të nxehta dhe shoqërohen me tension mes lojtarëve. Teuta vazhdon presionin dhe është  Çota që ka dy mundësi mjaft të mira, por Mico dhe shtylla mbajnë ende në lojë Apoloninë. Kur gjithçka po i drejtohej fundit saktësoisht në minutën e 3-të shtesë, vjen dhe goli i Teutës. Goditje kendi për durrsakët të cilët aplikojnë një skemë, topi pasohet fillimisht për Kulin i cili e hedh brenda zonës dhe aty  Peposhi i cili përfiton nga një rrëmujë duke e shtyrë topin drejt rrjetës. 1-0dhe “Djemte e Detit “shpërthejne në festë.  Mbyllet gjithçka me fitoren e Teutës të cilët sigurojnë automatikisht qëndrimin në Superiore pasi ngjiten në kuotën e 29 pikëve, 4 më shumë se Apolonia që tashmë është zyrtarisht në Kategorinë e Parë.

Minutat:

90+3′ GOOOL TEUTA Goditje kendi për durrsakët të cilët aplikojnë një skemë, topi pasohet fillimisht për Kulin i cili e hedh brenda zonës dhe aty Peposhi i cili përfiton nga një rrëmujë duke e shtyrë topin drejt rrjetës
89′ Kuli jep një asist perfekt për Peposhin dhe e nxjer të vetëm përballë Micos por mesfushori gabon duke i dhënë mundësinë portierit fierak të presë topin
88′ Sërish Çota provon në afërsi të zonës me të majtën por topi përplaset në shtyllë dhe kthehet në këmbët e Peposhit, mesfushori tenton ta dërgojë drejt rrjetës por gaboin duke e nxjerë jashtë
87′ Cota provon nga jashtë zone me një kthesë dhe topi devijohet nga mbrojtësit duke përfunduar rrezikshëm mbi tra
82′ Uzuni merr një pasim nga mesfusha dhe niset me shpejtësi drejt zonës, mesfushori godet fuqishëm me të majtën por Rizvani është në pozicion dhe pret topin
72′ Zvëndësim te Teuta, largohet Hodo, në fushë Bekimk Kuli
67′ Tension mes lojtarëve, arbitri ndëshkon me karton të verdhë Filin dhe Brahjen
62′ Hoxhallari provon nga distanca me të majtën por goditja e tij është e gabuar
60′ Ribaj niset në një kundërsulm duke iu afruar portës kundërshtare, sulmuesi provon me të djathtën nga kudijtë e zonës por goditja është e lehtë dhe kontrollohet nga Risvani
59′ Kastrati shkakton faull në mesfushë dhe arbitri e ndëshkon me karon të verdhë
58′ Bruno Dita mer një pasim në afërsi të zonës dhe shmang një mbrojtës fierak duke krijuar hapësirë, mesfushori provon me të majtën por topi përfundon jashtë
55′ Fili provon me një goditje nga distanca por topi përfundon shumë metra larg kuadratit të portës
53′ Goditje dënimi për teutën nga një pozicion i favorshëm
50′ Nika pengohet në zonë nga Fili, mesfushori i durrsakëve pretendon për penallti por gjyqtari nuk është i këtij mendimi

43‘ Kundërsulm i Apolonisë me Uzunin, talenti beratas kombinon me Ribajn por ndërhyjnë në momentin e fundit mbrojtësat fierakë duke larguar rrezikun
38′ Kotobelli nga krahu i majtë provon të fusë një top drejt zonës dhe aty përfiton Çota i cili tenton portën me një gjysëm goditje me të jashtmen por topi kalon fare pranë shtyllës
28‘ Goditje dënimi për Apoloninë, fierakët provojnë me një skemë, Dimo pason për Filin brenda zonës i cili në pozicion të prirët tenton ta kthejë në qendër por topi ndalet nga mbrojtësit durrsakë
22′ Bruno Dita provon për Teutën me një goditje nga distanca por gjuajtja e tij përfundon shumë metra larg portës
21′ Edhe Hysenshahaj ndërhyn në mënyrë të parregult në mesfushë dhe ndëshkohet me karton të verdhë
20′ Hoxhallari ndëshkohet me karton të verdhë
17′ Zvëndësim te fierakët, largohet Prifti i dëmtuar në lojë Broshka
13′ Ribaj dhe Prifti ndjenë shqetësime, ka lëvizje në stolin e Apolonisë
07′ Ka tension mes Peposhit dhe Andi Ribajt, lojtarët e tjerë mundohet të qetësojnë situatën
05′ Kotobelli niset nga krahu i majtë dhe i afrohet zonës, prvon goditjen por vetëm rrjetë e jashtme
04′ Uzuni merr një pasim fantastik nga mesi i fushës dhe del i vetëm përballë Rizvanit, sulmuesi tenton të shmangë portierin po ky i fundi ja heq topin nga këmbët duke larguar rrezikun