9 maj 2015 –Shtatë persona të akuzuar për trafik lëndësh narkotike, në tentativë, janë dërguar për gjykim pas përfundimit të hetimeve nga Prokuroria për Krime të Rënda.

Bëhet fjalë për trafikun e 300 kg kanabis sativa drejt Italisë, nëpërmjet avionit tip “Piper”, i cili u gjet në plazhin e Divjakës, me një rrotë të thyer në 10 maj të 2014-s.

Kështu, Prokuroria për Krime të Rënda pas përfundimit të hetimeve, dërgon për gjykim shtetasit e hetuar me masë sigurimi "arrest me burg":

1.Giorgio Riformato,

2.Sajmir Bajrami,

3.Kleviol Ahmeti, 

4.Aurel Pupe, 

si edhe shtetasit e hetuar me masë sigurimi "arrest me burg" në mungesë:

5.Mareglen Ymeraj,

6.Kristian Demçe, 

7.Orgest Bilbili.

/S.L. agjencia e lajmeve “Dyrrah”/