5 maj 2015 – Interesim i jashtëzakonshëm për supersfidën e sotme në Champions League mes Juventusit dhe Real Madrid. Aq i madh ka qënë ky interesim sa ka patur shumë tifozë që kanë bërë edhe marrëzira. 3500 euro janë shitur disa bileta në tregun e zi klientëve arabë apo argjentinas.
Siç mësohet nga zyra e shtypit të Juventusit, biletat u shitën brenda një ore nga momenti i daljes në treg para pak ditësh. Stadiumi i Juventusit ka një kapacitet prej 41 mijë e 182 spektatorësh dhe për këtë ndeshje do të arkëtojnë më shumë se 3 milionë euro.
Agjencia e lajmeve "Dyrrah"
