Durrës, 30 prill 2015 – Policia e Durrësit ka finalizuar me sukses një tjetër operacion policor, duke bërë të mundur arrestimin në flagrancë të dy shtetasve, që akuzohen për trafik armësh.
Specialistët e Sektorit Kundër Narkotikëve në Drejtorinë e Policisë së Durrësit, në bashkëpunim me Prokurorinë e Krimeve të Rënda, pas një hetimi disa mujor, kanë arritur të finalizojnë me sukses operacionin e koduar “Mbikalimi”, ku si rezultat u bë arrestimi në flagrancë i këtyre shtetasve:
-Admir Dokolli ,35 vjeç,banues në Kodër Kamëz, Tiranë,
-Eduart Hoti,42 vjeç,banues në Bathore,Tiranë.
Ata janë arrestuar në vendin e quajtur “Mbikalimi i Fushë-Krujës”,dhe gjatë kontrollit të automjetit me të cilin udhëtonin, tip ‘Mercedes Benz’ me targë ‘Tr 8288M’ është sekuestruar një armë zjarri automatike, model 56 .
Gjithashtu, nga kontrolli që u bë në banesën e Eduart Hoti janë gjetur:
•Rreth 500 fara të bimëve narkotike kanabis sativa ,
•50 gr lëndë narkotike ,e dyshuar kanabis sativa.
Si rezultat i operacionit, në cilësinë e provës materiale në total u sekuestruan:
•Një armë zjarri automatike model 56,
•Një krehër me 29 fishekë,
•Rreth 500 fara të bimës narkotike Canabis Sattiva
•50 gr lëndë narkotike ,e dyshuar si Canabis Sattiva
•Një automjet i markës Mercedes Benz ,me targa TR 8288 M
•4 celularë.
Materialet për këta shtetas i kaluan Prokurorisë së Krimeve të Rënda për veprime të mëtejshme për veprat penale: "Prodhimi dhe mbajtja pa leje e armëve luftarake dhe e municionit në bashkëpunim", dhe “Trafikimi i lëndëve plasëse, djegëse, helmuese dhe radioaktive në bashkëpunim".
/agjencia e lajmeve “Dyrrah”/
