Pas thyerjes së rregullave për COVID-19, thuhet se Rita Ora nuk do të jetë më në panelin gjykues të “The Masked Singer”.
Pronarët e ITV-së raportohet se janë të zhgënjyer nga sjellja e Orës kur mësuan për kamerat e fikura në lokalin ku festoi ditëlindjen, në të cilin të pranishëm ishin edhe disa të famshëm përfshirë këtu modelen, Cara Delevingne.
Rita ka kërkuar falje për shkeljen e rregullave dhe për vendimin e papritur e të momentit për të kremtuar ditëlindjen në Notting Hill, në një kohë kur Mbretëria e Bashkuar ishte në izolim.
Artistja, Oti Mabuse më shumë gjasa do të zëvendësojë Ritën në juri.
