Kanë dalë detaje të reja nga arrestimet e ndodhura në qytetin e Vlorës, ku në pranga ranë disa zyrtarë të Bashkisë së qytetit bregdetar, mes tyre edhe shefi i urbanistikës së Vlorës.
Veç përgjegjësit të zyrës së urbanistikës, Rubin Hekurani, edhe specialisti i kësaj zyre në bashkinë e Vlorës, Klaudio Mehmetaj si edhe një zyrtar tjetër i urbanistikës, Parid Kalus, janë prangosur.
Ata akuzohen se lejuan ndërtimin e një shtese lokali në rrugën Transballkanike, duke falsifikuar dokumentat.
Bëhet me dije se prezente prej disa ditesh ka qene edhe KLSH jo vetem ne bashkine e Vlores por edhe ne institucione te tjera të qytetit bregdetar, që po ashtu ka kryer një audit për këto çështje.
