Sokrat Vata, autori i dyshuar i vrasjes së turistit portugez një ditë më parë në Ksamil, ka shprehur përballë grupit hetimor dinamikën e ngjarjes.
Në deklarimet paraprake, ai është shprehur se sherri fillimisht mes turistëve, të cilët kanë qenë nën efektin e alkoolit.
Sipas autorit, turistëve u është kërkuar të mbajnë qetësi pasi lokali kishte edhe klientë të tjerë.
“Thikën e kishte portugezi, ia mora nga dora”, mësohet të ketë deklaruar Vata para hetuesve.
Sipas dëshmisë së tij, përpara përshkallëzimit të situatës, ai u ka kërkuar personave të përfshirë në konflikt që të ruanin qetësinë, pasi në ambient ndodheshin edhe persona të tjerë.
“U kërkova të mbanin qetësi, kishte edhe njerëz të tjerë”, ka deklaruar ai.
Por, sipas versionit të Vatës, situata nuk është qetësuar dhe konflikti ka vijuar të përshkallëzohet.
“Ishte e pamundur të mbahej qetësi dhe nisi konflikti”, mësohet të ketë thënë ai.
