Një person i pajetë është gjetur mëngjesin e sotëm në fshatin Gjashtë në Sarandë. Nga hetimet e para identifikohet se personi është Spiro Denjeli, 77-vjeç, me origjinë nga Fushë-Kruja, por që jetonte i vetëm në fshatin Gjashtë.
77-vjecari është gjetur nga një banor i lagjes. Dyshohet që vdekja të ketë ndodhur mëngjesin e sotëm, teksa sipas policisë nuk kishte shenja dhune në trup.
Trupi i tij është transportuar në morgun e spitalit për t’iu nënshtruar ekspertizës për të përcaktuar shkakun e vdekjes.
