Qeveria ka vendosur të kalojë në pronësi të saj 80.9 hektarë në Durrës për ndërtimin e projektin investues Strategjik “Marina dhe Jahtet e Durrësit”.

Vendimi është publikuar në fletoren zyrtare, ku këshilli i ministrave njofton transferimin e pronave shtetërore nga bashkia Durrës te ministria e financave dhe Ekonomisë.

Në këtë mënyrë, pasuritë e paluajtshme shtetërore vihen në dispozicion pas nënshkrimit të marrëveshjes së bashkëpunimit ndërmjet palës shqiptare dhe shoqërisë “Symphony Real Estate Development” sh.p.k.

“Me propozimin e ministrit të financave dhe ekonomisë, këshilli i ministrave Vendosi: Transferimin në fondin  e pasurive të paluajtshme për mbështetjen  e investimeve strategjike (FPPMIS),  i  cili  administrohet  nga ministria  përgjegjëse  për  ekonominë,  të  pasurive të paluajtshme shtetërore në zonën kadastrale nr. 8514,  Bashkia  Durrës,  me  sipërfaqe  totale  80.9 (tetëdhjetë   pikë   nëntë)  ha,   të   përcaktuara në shtojcën 1 dhe në planvendosjen, që i bashkëlidhen këtij vendimi dhe janë pjesë përbërëse të tij”, thuhet ndër të tjera në vendim. 

Në këtë marrëveshje do të përcaktohet forma e pjesëmarrjes së shtetit në investim dhe mënyra e vënies në dispozicion të pronës shtetërore.

Vendim i plotë:

Për transferimin në fondin e pasurive të paluajtshme për Mbështetjen e investimeve strategjike, të pronave të Paluajtshme shtetërore, në zonën kadastrale nr. 8514, bashkia Durrës, për zhvillimin dhe realizimin e projektit investues Strategjik “marina dhe jahtet e Durrësit (Durrës Yachts & Marina)”, dhe për ndryshimin e përgjegjësisë së administrimit, nga autoriteti portual Durrës te ministria e financave dhe Ekonomisë. Në mbështetje të nenit 100 të kushtetutës, të neneve 13 e 15, të ligjit nr. 8743, datë 22.2.2001, “për pronat e paluajtshme të shtetit”, dhe të neneve 27 e 31, të ligjit nr. 55/2015, “për investimet Strategjike në republikën e Shqipërisë”, të ndryshuar, me propozimin e ministrit të financave dhe ekonomisë, këshilli i ministrave

Vendosi:

Transferimin në fondin  e pasurive të paluajtshme për mbështetjen  e investimeve strategjike (FPPMIS),  i  cili  administrohet  nga ministria  përgjegjëse  për  ekonominë,  të  pasurive të paluajtshme shtetërore në zonën kadastrale nr. 8514,  Bashkia  Durrës,  me  sipërfaqe  totale  80.9 (tetëdhjetë   pikë   nëntë)  ha,   të   përcaktuara në shtojcën 1 dhe në planvendosjen, që i bashkëlidhen këtij vendimi dhe janë pjesë përbërëse të tij. 

Ndryshimin  e  përgjegjësisë  së  administrimit, nga  Autoriteti  Portual  Durrës  te  Ministria   e Financave    dhe Ekonomisë,  të pasurive të paluajtshme  të  përcaktuara  në  shtojcën  1  dhe  planvendosjen, që i bashkëlidhen këtij vendimi dhe janë pjesë përbërëse të tij. 

Heqjen e pasurive të përmendura në pikën 1, të  këtij  vendimi,  nga  lista  e  inventarit  të  pasurive bashkëlidhur  vendimit  nr.  586,  datë 10.9.2004,  të Këshillit të Ministrave, “Për miratimin  e  listave  të  inventarit  të  pronave  të  paluajtshme  shtetërore, të cilat u kalojnë  në  përgjegjësi  administrimi shoqërive  anonime  dhe  ndërmarrjeve  të  sistemit të transportit detar dhe ajror”, të ndryshuar.

Vënia  në dispozicion  e pasurive të paluajtshme  shtetërore,  të  përmendura  në  pikën 1,  të  këtij  vendimi,  bëhet  sipas  përcaktimeve  të vendimit nr. 14/6, datë 2.12.2021, të Komitetit të Investimeve  Strategjike,  dhe  pas  nënshkrimit  të marrëveshjes/kontratës së bashkëpunimit, ndërmjet  entitetit  përfaqësues  të  palës shqiptare të   ngarkuar   për   këtë   qëllim  dhe  shoqërisë “Symphony  Real  Estate  Development” sh.p.k., në të cilën  do  të  përcaktohet  forma  e  pjesëmarrjes  së shtetit   në  investim   dhe mënyra e vënies në dispozicion të pronës shtetërore, sipas dispozitave ligjore në fuqi.

Përdorimi  i pronës  së  paluajtshme shtetërore  për  projektin  strategjik  “Marina  dhe jahtet  e  Durrësit  (Durrës  Yachts  &  Marina)”  të realizohet    sipas    fazave    të    përcaktuara    në vendimin  nr.  14/6,  datë  2.12.2021,  të  Komitetit të Investimeve Strategjike, i cili fillon me fazën e zhvillimit pilot.

Pronat,  sipas  përcaktimeve  të  pikës  1,  të këtij  vendimi,  të  përdoren  nga  Autoriteti  Portual Durrës deri në zhvendosjen përfundimtare të tij, sipas    fazave    të    zbatimit    të    projektit,    të përcaktuara    në    vendimin    nr.    14/6,    datë 2.12.2021, të Komitetit të Investimeve Strategjike.  Autoritetit  Portual  Durrës  i  ndalohet të  ndryshojë  destinacionin,  ta  tjetërsojë  atë  ose t’ua japë në përdorim të tretëve.

Aplikimi  për  leje/licenca  dhe  autorizimet  e nevojshme  për  realizimin  e  projektit  strategjik “Marina dhe jahtet e Durrësit (Durrës  Yachts  & Marina)”, në përputhje me afatet e parashikuara, do të realizohen sipas legjislacionit për investimet strategjike.

Ngarkohen  Agjencia Shtetërore  e Kadastrës dhe të gjitha institucionet, të cilat kanë në përgjegjësi administrimi pasuri të përfshira në planvendosjen   bashkëlidhur   këtij   vendimi,   të kryejnë të gjitha procedurat përkatëse për vënien në  dispozicion  të  tyre,  për  projektin  investues strategjik “Marina dhe jahtet e Durrësit  (Durrës Yachts    &    Marina)”,  me  subjekt  investues “Symphony Real Estate Development” sh.p.k.

Ngarkohen   Ministria   e   Financave   dhe Ekonomisë,  Agjencia  Shqiptare  e  Zhvillimit  të Investimeve,   Autoriteti   Portual   Durrës   dhe Agjencia  Shtetërore  e  Kadastrës për  zbatimin  e këtij vendimi. Ky   vendim   hyn   në   fuqi   menjëherë   dhe botohet në Fletoren Zyrtare.

Për të lexuar vendimin e plotë klikoni në linkun e mëposhtëm, faqja 99:

https://qbz.gov.al/eli/fz/2022/1/a761ebe4-702c-4ed0-8cf4-977179af978f