Një situatë aspak e zakontë vjen nga elita e Francës.
Klubi i Bordosë ka vendosur të ndërpresë përfundimisht kontratën me kompaninë Winamax.
Kjo e fundit ishte sponsori kryesor i skuadrës, emri i së cilës gjendej i shkruar në pjesën e përparme të fanellës.
Megjithatë palët nuk do të vazhdojnë më gjatë bashkëpunimin mes tyre.
Shkak për këtë janë bërë postimet e Winamax-it në “Twitter“.
Kompania në fjalë tallte shpesh klubin e Bordosë për formën e dobët që po kalojnë këtë sezon, gjë e cila nuk është pritur mirë nga drejtuesit e ekipit francez.
“Urime Zhirondinëve të Bordosë që nuk kanë pësuar një gol për thuajse 20 orë”, ishte një ndër postimet e shumta ironike të Winamax-it.
Ekipi i Bordosë këtë sezon po lufton për mbijetesë dhe ka pësuar plot 50 gola.
