Një dokumentar i transmetuar këtë javë në Netflix, në “Soy Georgina”, vajza që ndan jetën me yllin e futbollit portugez rrëfen se e kishte të vështirë në fillim të historisë së tyre, të përshtatej me stilin e jetës luksoze të partnerit.
Me 29.7 milionë ndjekës në Instagram, momentalisht ajo është një nga femrat më të ndjekura në planet. Netflix po i kushton asaj një serial të titulluar “Soy Georgina”, i cili do të publikohet në ditëlindjen e 28-të, sot më 27 janar, duke treguar jetën e saj si nënë, blogere, biznesmene dhe bashkëshorte e Cristiano Ronaldos.
Sipas medies The Sun, spanjollja thotë se e kishte të vështirë që në fillim të historisë së tyre të mësohej me stilin e jetës luksoze të futbollistit.
Ajo ka komentuar kështu fillimet e marrëdhënies me yllin e Manchester United, kur ai erdhi ta merrte pas ditës së punës si shitëse në shtëpinë e Gucci, në Madrid: “Shkova në punë me autobus dhe erdha në shtëpi me një Bugatti”.
Pothuajse pesë vjet më vonë, çifti janë në pritje të binjakëve në pranverën e vitit 2022. Ky do të jetë fëmija i dytë dhe i tretë i Georgina Rodriguez pas lindjes së vajzës së tyre, Alana Martina, në vitin 2017.
Ndërkohë, Cristiano Ronaldo do të bëhet baba për herë të gjashtë, tashmë prind i Cristiano Jr. i lindur në vitin 2010. Ai është gjithashtu babai i binjakëve Eva dhe Mateo, të lindur në vitin 2017 nga një nënë surrogate.
