Një tjetër aksident me pasojë vdekjen ka ndodhur mbrëmjen e sotme. Ngjarja është regjistruar në Klos.
Lajmin e ka bërë të ditur Policia e Shtetit përmes një njoftimi.
Si pasojë e aksidentit ka mbetur i vdekur shtetasi B. K., 47 vjeç, (këmbësor).
Njoftimi i Policisë:
Klos/ informacion paraprak
Rreth orës 18.50, në fshatin Xibër, Bashkia Klos, shtetasi P. Ll, 39 vjeç, duke drejtuar automjetin e tij, ka humbur kontrollin dhe ka aksidentuar shtetasin B. K., 47 vjeç, (këmbësor), ku për pasojë ka humbur jetën.
Drejtuesi i mjetit është shoqëruar në Komisariat për veprime të mëtejshme.
Grupi hetimor vijon hetimet në vendngjarje për zbardhjen e shkaqeve të aksidentit.
