Një aksident i rëndë është regjistruar në aksin Tiranë-Durrës pak pas mesnate, rreth orës 00:06 të datës 21 mars.
Në aksident janë përfshirë 3 makina.
Nga shpejtësia e lartë, njëra prej tyre është përmbysur.
Raportohet vetëm për 3 persona të lënduar.
Tiranë/Informacion paraprak
Më datë 21.03.2022, në autostradën Tiranë-Durrës, është përplasur mjeti me drejtues shtetasin H. N., 28 vjeç, me mjetin me drejtues shtetasin E. L., 26 vjeç.
Si pasojë e aksidentit janë dëmtuar drejtuesi i mjetit, shtetasi H. N., dhe pasagjerët e dy mjeteve, shtetasit M. F., dhe E. S., të cilët ndodhen në spital, nën kujdesin e mjekëve.
Grupi hetimor po punon për sqarimin e rrethanave të aksidentit.
