Aktorja e njohur, Gwyneth Paltrow ishte e ftuar në blogun “Who’s in my Bathroom” të modeles Hailey Bieber dhe vendosi të bënte një shaka me të.
Fituesja e Oskar iu drejtua ylli 25-vjeçar të pasarelave duke i thënë: “Kam bërë seks me babain tënd në banjë”, duke lënë të befasuar modelen.
Por shpejt ajo shtoi se ishte thjesht duke bërë një shaka. Aktorja aktroi së bashku me babain e Hailey, Stephen Baldwin në filmin “Mrs. Parker and the Vicious Circle”. Gjatë bisedës në blog, ajo kujtoi kohën kur punonte me të atin e modeles.
“Isha 20 vjeçe, ka kaluar shumë kohë. Por ai ishte i mrekullueshëm, ishte kaq i këndshëm”, tha Gwyneth.
E lehtësuar Hailey iu përgjigj: “Më bëhet qejf që e dëgjoj këtë. Imagjinoni sikur të më thonit: “Ai ishte i tmerrshëm, ishte makth të punoja me të.”
Ndërsa aktorja, shtoi: “Do ishte shumë keq. Apo nëse do të të thosha: Kam bërë seks me babain tënd në banjo?”
Hailey është gjithashtu mbesa e aktorit të nominuar për Oscar, Alec Baldwin, i cili tani është në pritje të fëmijës së tij të tetë pasi qëlloi aksidentalisht për vdekje kineasten Rust DP Halyna Hutchins më 21 tetor.
Ndërkohë, Gwyneth, kumbari i së cilës është Steven Spielberg, është vajza e aktores fituese të çmimit Emmy, Blythe Danner dhe producentit të ndjerë të nominuar për Emmy, Bruce Paltrow.
