MacKenzie Scott, ish-gruaja e themeluesit të “Amazon” Jeff Bezos, ka dhuruar më shumë se 4 miliardë dollarë për magazinat e ushqimit dhe fondet e ndihmës emergjente në katër muaj.
Ajo ka shprehur dëshirën e saj për të qenë afër amerikanëve në këto ditë të vështira që po kalojmë të gjithë për shkak të pandemisë së Covid-19.
“Kjo pandemi ka qenë shkatërruese për amerikanët që po luftojnë me këtë virus”– tha ajo në postimin e publikuar, duke shtuar se kishte zgjedhur më shumë se 380 qendra për bamirësi.
Scott është personi i 18-të më i pasur në botë. Pasuria e saj ka pësuar një rritje me 23,6 miliardë dollarë këtë vit në 60,7 miliardë dollarë. Pjesa më e madhe e pasurisë së saj vjen nga Bezos i cili është njeriu më i pasur në botë dhe shefi ekzekutiv i Amazon.
