Protestuesit kanë nisur të hedhin miell mbi efektivët e policisë që kanë rrethuar godinën e Ministrisë së Brendshme.
Mielli, sipas protestuesve, simbolizon drogën që supozohet se Lear Kurti mbante me vete në momentin që u ndalua nga efektivët e policisë së Shtetit, mbrëmjen e 19 tetorit.
“Mielli nuk vret, mos kini frikë se mielli nuk vret,”- thonë në kor qytetarët.
Kjo është hera e dytë që qyetarët dalin në protestë për Kurtin, të riun që vdiq në duart e efektivëve të policisë. Qytetarët janë mbledhur para Ministrisë së Brendshme dhe pritet që nga aty të vijojnë itinerarin përballë Kryeministrisë.
Godina e MB-së shihet e rrethuar nga efektivë të shumtë policie. Protestuesit kërkojnë dorëheqjen e Ministrit të Brendshëm, Bledi Çuçi, pasi fajësojnë efektivët për vdekjen e Kurtit.
