Një 81-vjeçar u arrestua me dyshimin për vrasje pasi e shtyu gruan e tij në det sepse ishte ‘lodhur duke u kujdesur për të’.
Policia lokale në Oiso, prefektura Kanagawa në Japoni u njoftua për incidentin të premten më 4 nëntor, kur djali i 81-vjeçarit Hiroshi Fujiwara u tha autoriteteve ‘babai im thotë se e shtyu nënën në det’.
Fujiwara i tha policisë se incidenti ndodhi një ditë më parë, kur ai e çoi gruan e tij 79-vjeçare, të lidhur me karrige me rrota, Teruko, në një skelë në Oiso.
Çifti jetonte vetëm në Japoni dhe Fujiwara i tha policisë se ai ishte duke u kujdesur për gruan e tij me aftësi të kufizuara për më shumë se 40 vjet kur ata shkuan në oqean rreth orës 17:30 me kohën lokale.
Pasi arriti atje, ai pretendoi, se e shtyu atë në karrocën e saj me rrota nga skela në ujë, përpara se më vonë t’i pranonte djalit të tij atë që kishte bërë. Ai u arrestua nga policia me dyshimin për vrasje.
Lajmi për vdekjen e gruas së moshuar shkaktoi reagime nga përdoruesit e internetit, të cilët akuzuan qeverinë japoneze për injorimin e çështjes së abuzimit me të moshuarit në një popullsi që po plaket me shpejtësi.
