Ministrja e Ekonomisë, Delina Ibrahimaj, tha se akuzat e opozitës për Portin e Durrësit janë të pavërteta. Nga foltorja e Kuvendit, ajo u shpreh se ky është investimi më i madh i bërë ndonjëherë në Shqipëri.
Fjala e Ibrahimajt:
“Me keqardhje shoh që ky nuk është një debat është një dashakeqësi. Një tymnajë gënjeshtrash të cilat kërkojnë tu sërviren qytetarëve jo si biseda në parlamentin e një shteti për kafenesh. Do u referohem vetëm fakteve. Ne prezantojmë një projekt që është shembull i atraktivitetit. Shqipëria ka një potencial shumë të madh turistik dhe këto janë falë reformave dhe përpjekjeve të bëra gjatë viteve të fundit. Këto janë falë ndërtimit të një shtetit të fortë. Jam takuar dhe biseduar me shumë homologë. Në fund të takimeve kam pasur të njëjtin rezultat: Shqipëria ka bërë progres. Ky është rasti ekselent i zhviollimit të vendit dhe transformimit të qytetit të Durrësit dhe infrastrukturës portuale. Është më i madhi në rajon dhe do të punësojë 12 mijë njerëz.
Kam dëgjuar shumë narrative, përse në Durrës? Durrësi e justifikon keqadasinë e këtyre investimeve se Durrësi konsiderohet qyteti më i vjetër, do të jetë aty më i bukur. Për të siguruar këtë investim ne kemi negocionuar fort dhe gjatë. Jo si ata që shohin filxhan nga mëngjesi deri në darkë. Këta i harrojmë çfarë i kanë bërë këtij vendi, firmat piramidale, i harrojmë periudhat ku ndodhën të zezat e Gërdecit, këta i harrojnë por populli s’i harron. Sjellim para jush një kontratë me ndikim të drejtëpërdrejtë në punësim, me rritjen e vlerës së pronës. Me një ndikim në imazhin e vendit. Ne kemi negocionuar për më shumë se 1 vit dhe në fund nga 33 kërkesa që investitori kishte paraqitur, pranuam vetëm 5.
Na u kërkua në fillim që shteti të ishte aksioner me vetëm 19 përqind ndërsa u mbyll me 30 përqind. Ndryshe nga sa kam dëgjuar e sa është thënë nuk ka asnjë përjashtim nga TVSH, kontributet etj, por janë 1 miliard euro që do të grumbullohen vetëm nga taksat. Këto qytetarë nuk janë të ardhura që ne i kemi dhe i falim, këto janë masa mvbështetese, 40 përqind e sipërfaqes do t’i rikthehet qytetit ku 20 përqind do i rikthet e visualizuar“, tha Ibrahimaj.
