Deputeti Dashamir Shehi ka ironizuar deklaratën e nënkryetares së Kuvendit Ermonela Felaj e cila paralelizoi investitorin arab për projektin e Portit të Durrësit Alabar me princ Vidin, duke thënë se ky i fundit u sulmua për shkak se gruaja e tij ishte e veshur me dekolte.
Shehi u shpreh se pas 100 vitesh tashmë socialistët po i ritkhejnë shqiptarët te ferexheja.
‘Kjo me dekoltenë ishte shumë e bukur. Ai paska ikur i shkreti atëherë 100 vjet përpara për shkak të dekoltesë. Sikur të ikë edhe ky tjetri për shkak të fehrexhesë. Nga dekolteja po kalojmë te fehrexheja. Po kthehemi të fehrexheja. Të vijmë pas 100 vjetëve të diskutojmë për fehrexhenë, më duket e tepruar”, u shpreh ai.
Shehi tha se kompania në fjalë është në borxh në vendin e origjinës dhe ngriti dyshime për afatin e kërkuar për dorëzimin e projektit. “Është në borxh akoma kompania atje. Dhe po kjo kompani borxhlinjsh është duke ardhur këtu. Pse duan këta 20 vjet. Çfarë po bëjnë këta central bërthamor. Këtu ka një sërë dyshimesh. Pronësia një pjesë vjen nga parajsat fiskale”, tha ai.
