Fushata e fundit e modës së firmës luksoze “Balenciaga” ka shkaktuar zemërim të madh te qytetarët.
Shumë njerëz kanë shprehur indinjimin edhe zemërimin e tyre në rrjetet sociale, duke u shfaqur teksa djegin çantat, rrobat apo këpucët mijëra euro të kësaj firme të quajtur luksoze.
Yje botërorë që kanë bashkëpunime me Balenciaga-n, si Kim Kardashian, Dua Lipa apo Bella Hadid, u përballën me akuza nga ndjekësit e tyre, për mos-reagimin nga ana e tyre. Megjithatë, pas disa ditësh heshtje, ata reaguan.
Së fundmi një tjetër personazh i njohur shqiptar, reperja Loredana Zefi, ka reaguar në lidhje me skandalin e shtëpisë luksoze të modës.
Teksa ka ndarë një video nga videoklipi i ri i saj muzikor, Loredana shihet e veshur me Balenciaga, por në pamjet e postuara duket se reperja e ka “fshirë” emrin e markës.
@loredanaofficial Donnerstag!
♬ NO BALENCIAGA – loredana
Po çfarë ndodhi që çfarë shkaktoi këtë zemërim?
E gjitha filloi me një fushatë. Në fakt, një fushatë e pajustifikueshme, ku pozuan fëmijë të vegjël tre dhe katër vjeç, duke mbajtur në duar kukulla të veshura me veshje sadomazokiste, kur dhimbja jep kënaqësi”.
Por silkur mos mjaftonte pamja e parë, vëzhguesit e kujdesshëm gjetën dokumente të shpërndara dhe të vendosura në mënyrë strategjike mbi ligjet e pornografisë së fëmijëve të shpërndara në të gjithë pamjen.
Kompania ka kërkuar falje, por “pendimi” i saj nuk pranohet nga shumë njerëz që pretendojnë se po shfrytëzojnë fëmijët.
Dy javë pas nisjes së fushatës dhe një sërë faljesh jo shumë bindëse në Instagram, shtëpia e modës u detyrua të lëshonte një deklaratë ku pranonte “një sërë gabimesh të rënda për të cilat Balenciaga merr përgjegjësinë”.
