Funerali i Mbretëreshës Elizabeth II në shtator 2022 i kushtoi qeverisë së Mbretërisë së Bashkuar rreth 187 milion €, sipas Thesarit.
Ministria e Brendshme, e cila ka përgjegjësinë për policinë dhe sigurinë kombëtare, përbënte pjesën më të madhe të totalit, me një kosto prej rreth 85 milionë euro.
Kjo u pasua nga 63 milionë euro të shpenzuara nga Departamenti për Kulturë, Media dhe Sport dhe 21.6 milionë euro nga Qeveria Skoceze.
Shpenzimet tjera ishin: Ministria e Mbrojtjes, 3.3 milionë euro. Ministria e Transporteve, 2.9 milionë euro. Qeveria e Uellsit, 2.5 milionë euro. Zyra e Jashtme, Commonwealth dhe Zhvillim, 2.4 milion € dhe Zyra e Irlandës së Veriut gjithashtu 2.1 milion €.
Shifrat u publikuan si pjesë e një deklarate të shkruar parlamentare nga John Glenn, Kryesekretar i Thesarit.
Policia Metropolitane tha se funerali ishte ngjarja më e madhe policore në historinë e saj, me oficerë nga e gjithë bota të pranishëm.
Elizabeth ka qenë monarkja më jetëgjatë në Mbretërinë e Bashkuar. Ajo u ngjit në fron dhe qëndroi në të për plot 70 vjet.
Elizabeth II ndërroi jetë më 8 shtator 2022, në shtëpinë e saj në fshat, Kalaja Balmoral, në moshën 96-vjeçare.
Funerali shtetëror i Mbretëreshës u zhvillua në Londër më 19 shtator. Ai përfshinte tre procesione funerale madhështore dhe shumë rituale tradicionale.
