Një delfin rreth 500 kg është gjetur i ngordhur në breg të detit në afërsi të plazhit të Vjetër.
Delfini me gjatësi 2.8 m dhe me moshë 25-30 vjeç i seksit mashkull dyshohet se ka ngordhur si pasojë e helikave të mjeteve lundruese, të cilat e kanë dëmtuar në pjesën e pasme të trupit, ku duken qartë dhe shenjat e goditjes nga helika.
Specialistja e menaxhimit të zonave të mbrojtura Endora Çelohoxhaj shprehet se ky delfin ka disa ditë që ka ngordhur dhe për shkak të goditjes së helikave të mjeteve lundruese. Specialistja bën apel për të gjithë mjetet lundruese që lëvizin në këtë sezon në det të bëjnë kujdes pasi ka pasur raste që shumë specie dëmtohen nga helikat, që nga delfinët deri te breshkat detare.
