Valter Bami do të vijojë të qëndrojë në qeli.
Gjykata refuzoi apelimin e Bamit i cili kërkoi shfuqizimin e vendimit, vlerësimin e paligjshëm të ndalimit dhe rrëzimin e kërkesës për caktimin e masës së sigurimit“arrest në burg”, dhe lirimin e tij të menjëhershëm.
Valter Bami akuzohet për armëmbajtje pa leje. Ai u arrestua prej 7 korrikut 2023 pas atentatit në oborrin e shtëpisë së Gentian Bejtjas mesnatën e 4 korrikut, ku u ekzekutua kunati Ramazan Sino dhe u plagosën dy djemtë e tij të mitur, 10 dhe 13 vjeç.
Arrestimi i Bamit erdhi pasi iu gjetën gjurmë baruti në duar, por vetë ai ka mohuar që të ketë lidhje me ngjarjen.
