“Numri i idiotëve vendimmarrës në vendet e NATO-s po rritet”, shkroi Medvedev në kanalin e tij Telegram. “Këto gjysëm zgjuarsi po na shtyjnë në mënyrë aktive drejt Luftës së Tretë Botërore…”, shtoi ai.
Politikani, në veçanti, përmendi idenë e Marie-Agnes Strack-Zimmermann, kryetare e komitetit të mbrojtjes të Bundestagut gjerman, për të furnizuar Ukrainën me raketa Taurus, në mënyrë që Kievi të mund të kryente sulme në territorin rus për të dobësuar furnizimin e ushtrisë së tij. “Duke pretenduar se kjo është në përputhje me ligjin ndërkombëtar. Epo, në atë rast, sulmet ndaj fabrikave gjermane ku prodhohen këto raketa do të jenë gjithashtu plotësisht në përputhje me ligjin ndërkombëtar,” paralajmëroi politikani, raportoi TASS.
Medvedev gjithashtu tërhoqi vëmendjen ndaj një propozimi të Sekretarit Britanik të Shtetit për Mbrojtjen, Grant Shapps për të zhvendosur kurset e trajnimit britanik për ushtarët ukrainas në tokën ukrainase. “Kjo do të thotë, t’i kthejnë instruktorët e tyre në një objektiv ligjor për forcat tona të armatosura. Duke e kuptuar shumë mirë se ata do të shkatërrohen pa mëshirë. Dhe jo më si mercenarë, por pikërisht si specialistë të NATO-s të Britanisë së Madhe,” vuri në dukje ai.
