Greqia ka dërguar dy avionë zjarrfikës Canadair për të shuar zjarret në zonën në Pishporo-Darëzezë të Fierit.

Avionët Canadair janë dërguar pas kërkesës së Shqipërisë të bërë në Mekanizmin Europian të Mbrojtjes Civile, të cilës Greqia ju përgjigj pozitivisht.

Avionët do të ndihmojnë në shuarjen e flakëve në Pishporo që ka djegur një sipërfaqe prej 500 hektarë pyll me pisha. Zjarri në këtë zonë po vijon prej një jave.