Prokuroria e Posaçme kundër Krimit të Organizuar dhe Korrupsionit, kërkoi këtë të martë në Gjykatë, që të bashkohet me dosjen e “Plumbit të Artë” edhe dy vrasjet me 4 viktima të ndodhura në Mars dhe në Prill të 2020-shit në Durrës.
Nga grupi i Talo Celës dhe Nuredin Dumanit, u ekzekutuan Dorjan Shkoza dhe Anxhelo Avdia, në Mars dhe në Prill u vranë dy vëllezërit Besmir dhe Viktor Haxhia.
Gjykata e Posaçme ka pranuar kërkesën e prokurorisë dhe ka bashkuar dy çështjet. Kërkesa e prokurorisë u bë duke qenë se janë të njëjtët persona të përfshirë.
Personat që kryen vrasjet u zbardhën fillimisht nga dëshmia e Klevis Allës dhe më pas nga dëshmia e të penduarit të drejtësisë, Nuredin Dumani u përcaktua gjithë dinamika e ngjarjeve dhe motivi.
Alla implikoi në dy vrasjet 5 persona por më pas ai i ka ndyshuar disa herë dëshmitë, duke e bërë kontradiktor. Tashmë edhe këto dy vrasje do të gjykohen së bashku me operacionin “Plumbi i Artë”.
