Mjekët kanë arritur të shpëtojnë një foshnjë me ndërhyrje cezariane pasi nëna e tij u vra në Gaza gjatë një sulmi ajror të Izraelit.
Ndërhyrja u bë në një spital në Gaza, pasi nëna u plagos rëndë gjatë një sulmi izraelit në qytetin Khan Younis.
Babai i foshnjës u vra gjatë sulmeve, ndërsa nëna shtatzënë u dërgua në spitalin Nasser, raporton BBC.
“Nëna ishte ende gjallë, duke luftuar për jetën e saj dhe të foshnjës së saj”, tha ai.
Por, ajo nuk arriti të mbijetojë duke ndërruar jetë pas plagëve të marra, ndërsa foshnja e saj mbijetoi dhe është në gjendje të qëndrueshme.
Ndërkohë spitalet kanë mbyllur të gjitha shërbimet, përveç departamenteve të urgjencës, pasi rezervat jetike të karburantit po pakësohen.
“Shumica e departamenteve të tjera në spital janë mbyllur sepse duan të minimizojnë sasinë e karburantit që po shpenzojnë,” tha korrespondeti i BBC.
“Ata janë të fokusuar vetëm në misionet e shpëtimit të jetës. Është një situatë shumë katastrofike“, tha ai.
Agjencia e ndihmës e OKB-së në Gaza ka theksuar se sa katastrofike do të ishte mbarimi i karburantit.
“Duhet të lejohen dërgesat e karburantit për t’u siguruar që njerëzit të kenë ujë të pijshëm të pastër, spitalet mund të mbeten të hapura dhe operacionet e ndihmës për shpëtimin e jetës mund të vazhdojnë,” tha Agjencia e Kombeve të Bashkuara për Ndihmën dhe Punët për Refugjatët Palestinë (UNRWA) në X.
Karburanti është i nevojshëm për të pompuar ujin nga puset ose oqeanet dhe për ta bërë atë të pijshëm. Është gjithashtu e nevojshme për furrat e bukës dhe furnizuesit e ushqimit për të gatuar. Dhe pastaj duhet më shumë karburant për të transportuar furnizimet thelbësore atje ku nevojiten.
Ekzistojnë gjithashtu shqetësime për ndikimin në kujdesin shëndetësor. Agjencitë e tjera të OKB-së kanë vlerësuar se një e treta e spitaleve në Gaza dhe gati dy të tretat e klinikave të kujdesit parësor shëndetësor ishin mbyllur për shkak të dëmtimeve ose mungesës së karburantit.
