Policia e Milanos ka vënë në pranga një 39-vjeçar shqiptar, i cili ndodhej ilegalisht, si dhe kishte precedentë të mëparshëm penalë. Shqiptari u vu në pranga i akuzuar për trafikim të lëndëve narkotike.
Mediat italiane shkruajnë se shqiptari u pikas nga policia, pasi tërhoqi vëmendje mënyra sesi mbante telefonin dhe e shikonte shumë shpesh, si dhe kryerja e shumë telefonatave të shkurtra.
Pas këtij veprimi, ai hipi në një mjet. Agjentët, duke pasur parasysh nervozizmin e dukshëm të 39-vjeçarit, kontrolluan menjëherë atë dhe makinën e tij, ku i gjetën 7.7 kg heroinë.
Nga kontrolli policia zbuloi se ai kishte dhe një grumbull të madh me çelësa, ku njëri prej tyre i përkiste një bodrumi.
Pas kontrolleve në këtë bodrum, u gjetën po ashtu 670 gramë kokainë dhe shtatë mbështjellës me 2.3 kilogram heroinë.
