Përmes dy reagimeve në rrjete sociale, ish-deputetja e Durrësit, Fatbardha Kadiu ka ironizuar me një nga deklaratat e kryeministrit Rama gjatë mbledhjes së grupit parlamentar të PS-së, si dhe me vendimin e tij për të drejtuar politikisht përkohësisht qarkun e Durrësit, pas spostimit të Vangjush Dakos.
Pasi Rama deklaroi pas mbledhjes se “kush nuk jep gjithçka ka, do të hiqet nga lista e kandidatëve për deputetë”, Kadiu ironizon atë që ajo e quan morali i fjalimit të Ramës.
“Kush ia ka pa hajrin këto 7 vjet partisë rilindase brenda dhe jashte kesaj salle, të shkundi thaset, trajset, xhepat sepse cdo kush eshte thjeshtë kandidat.
P.s. A ke vesh për të degjuar, a ke sy për të pare e mendje për të kuptuar o “tatim-rilindas pagues”!!!!
Dmth këta që kanë vjedhur më shumë në këto 7 vjet do të bëhen deputet të PS-së, që të bëjnë ligje për ju.” – shkruan Kadiu.
Ndërkohë, në postimin e dytë, ish-deputetja demokrate shprehet se pasi mori detyrat e liderit global, kreut të OSBE, kryeministrit, ministrit të jashtëm, drejtuesit politik në Durrës etj, tani duhet të bëjnë kujdes kryetarët e komunave, sepse mund t’u zihet vendi.
“Lider global
Kryetar OSBE-je
Udheheqes rajonal
Kryeminister
Kryetar PS-je
Minister i jashtem
Artist I dekades
Shkrimtar best seller
Udheheqes politik në Durres
Beni kujdes ju o kryetar komunash se ju rrezikohet vendi.”,- shkruan Kadiu.
