Vetëm 2 ditë pasi u shpall në kërkim nga Policia e Kosovës, sot u arrestua në Lezhë Noizy, reperi i njohur shqiptar, i akuzuar për plagosje të rëndë në një klub nate në Pejë.
Në pranga bashkë me Rigels Rajkun ra edhe miku i tij Bahtjar Bajraktari i njohur si DJ Crax. Të dy u arrestuan në zonën e Kunës në Shëngjin nga njësia FAST Albania.
Pak minuta më parë, miku i Noizyt, artisti i njohur Elgit Doda, ka reaguar në “Instagram”, duke ftuar të gjithë të jenë në anën e reperit.
Ai gjithashtu ka shtuar se Noizy është ndaluar pa pasur asnjë provë.
