Një raund i ri i bisedimeve për armëpushimin në Gaza po zhvillohet në kryeqytetin e Katarit Doha, tha një zyrtari i informuar mbi takimin për Reuters.
Bisedimet, një përpjekje për t’i dhënë fund 10 muajve luftime në enklavën palestineze dhe për të sjellë në shtëpi 115 pengje izraelitë dhe të huaj, u mblodhën kur Irani u shfaq në pikën e hakmarrjes kundër Izraelit pas vrasjes së liderit të Hamasit Ismail Haniyeh në Teheran më 31 korrik.
Zyrtarët e Hamasit, të cilët kanë akuzuar Izraelin për ngecje të armëpushimit, nuk iu bashkuan bisedimeve të së enjtes. Megjithatë, ndërmjetësit planifikuan të konsultohen me ekipin negociator me bazë në Doha të Hamasit pas takimit, raporton Reuters.
Delegacioni i Izraelit përfshin shefin e spiunazhit David Barnea, kreun e shërbimit të brendshëm të sigurisë Ronen Bar dhe shefin e pengjeve të ushtrisë Nitzan Alon.
Izraeli dhe Hamasi kanë fajësuar njëri-tjetrin për dështimin për të arritur një marrëveshje, por në prag të takimit të së enjtes, asnjëra palë nuk e përjashtoi një marrëveshje.
Pas muajsh të një lufte që ka shkatërruar Gazën, duke vrarë më shumë se 40,000 palestinezë, sipas zyrtarëve shëndetësorë të Gazës, dhe duke dëbuar pothuajse të gjithë popullsinë 2.3 milionëshe të saj nga shtëpitë e tyre, duket se ka një “dritë në fund të tunelit” për t’i dhënë fund luftimeve.
