Një 35-vjeçar shqiptar, që jetonte në zonën e Trasimenos në Itali, u arrestua nën akuzën e trafikut të kokainës.
Aksioni erdhi pas një situate të tensionuar që filloi në fshatin Fratta dhe përfundoi në Ronzano di Cortona.
Sipas informacioneve të rrjedhura, oficerët e policisë që hetonin trafikun e drogës në zonën e Cortonës, vunë re një furnizim me narkotikë në fshatin Fratta dhe më pas ndoqën trafikantin.
Kokaina, afërsisht 250 gramë, ishte fshehur në një gardh.
Tregtari thuhet se u largua me shpejtësi, por përfundimisht u arrestua, kurse emri i tij nuk u bë publik.
Sipas hetuesve, shtëpia në fermë që zotëronte, e vendosur disa kilometra larg, po përdorej si zonë për trafikimin e drogës.
