Mbledhja e kryeministri Edi Rama me deputetët e qarkut të Tiranës në selinë e PS ka përfunduar pak momente më parë
Raportohet se në mbledhje kanë qenë edhe përfaqësues të Bashkisë së Tiranës.
Mbledhja ka pasur në qendër të diskutimeve organizimin e partisë, koordinimin e punës mes deputetëve dhe përfaqësuesve të bashkisë. Po ashtu mësohet se Rama kërkoi vëmendje tek zgjidhjet e çështjeve që duhen adresuar në Tiranë.
Më tej raportohet se është kërkuar angazhim për takimet me qytetarët, anëtarësinë dhe simpatizantët e PS.
Sakaq, kujtojmë se ditën e djeshme Rama zhvilloi një takim me Kryesinë e Partisë Socialiste.
